Martesa u bën mirë burrave, i ndihmon të plaken më mirë

<p>Mund të jetë e vështirë për disa ta besojnë, por martesa duket të jetë shumë e mirë për burrat: burrat e martuar kanë dy herë më shumë gjasa të plaken më mirë dhe të ruajnë shëndetin optimal sesa bashkëmoshatarët e tyre të pamartuar.</p> <p>Kjo u zbulua nga një studim i udhëhequr nga Universiteti Kanadez i Torontos dhe i botuar në revistën International Social Work, i cili ndoqi 7000 kanadezë për afërsisht 3 vjet.</p> <p>Për gratë, megjithatë, nuk u shfaq i njëjti efekt pozitiv: për to nuk u gjet asnjë ndryshim midis bashkëmoshatarëve të martuar dhe të pamartuar, edhe nëse ato që ishin të divorcuara ose të veja duket se janë më keq se ato që mbetën të pamartuara.</p> <p>Studiuesit e udhëhequr nga Mabel e përkufizuan plakjen optimale si mungesë të sëmundjeve serioze fizike dhe mendore dhe praninë e niveleve të larta të lumturisë dhe shëndetit të mirë të raportuar nga vetë pjesëmarrësit.</p> <p>Sipas autorëve të studimit, suksesi i jetës bashkëshortore për t'i ndihmuar njerëzit të plaken mirë qëndron mbi të gjitha në ruajtjen e lidhjeve sociale: "Mund të ndodhë që të martuarit të inkurajojnë njëri-tjetrin të adoptojnë ose mbajnë sjellje pozitive shëndetësore - thotë David Burnes, mes studiuesve të cilët morën pjesë në analizë - të tilla si lënia e duhanit ose aktiviteti i rregullt fizik."</p> <p>Hulumtimet kanë theksuar gjithashtu se faktorët e stilit të jetesës, si mbajtja e një peshe të shëndetshme trupore, të qenit fizikisht aktiv, të mos vuash nga pagjumësia dhe të mos pish duhan, janë çelësi për ruajtjen e shëndetit optimal në jetën e mëvonshme.</p> <p>“Është shumë e rëndësishme të mbajmë një mënyrë jetese të shëndetshme, pavarësisht sa vjeç jemi”, thotë Esme Fuller-Thomson, bashkëautore e studimit: “Për shembull, nuk është kurrë vonë për të lënë duhanin”.</p> <p>&nbsp;</p>