Një krim në familje ka tronditur Italinë mëngjesin e sotëm. Një 50-vjeçar, punonjës policie, ka vrarë me armën e shërbimit gruan dhe dy vajzat, 10 dhe 14 vjeç, dhe pasi ka vënë në dijeni policinë për krimin, është vetëvrarë.
Mediat italiane shkruajnë se burri i ka vrarë vajzat dhe gruan ndërsa ato ishin në gjumë, duke përdorur jastëkun për të minimizuar zhurmën e armës.
Tragjedia ka ndodhur pak para orës 07:00 të ditës së sotme në shtëpinë e familjes në Cornigliano, Xhenova.
Polici Mauro Agrosì, i cili prej vitesh kishte kaluar në shërbimin teknik të komisariatit të Bolzanetos, ka lënë një letër në të cilën shpjegon si motivin e krimit “disa probleme të pazgjidhshme”.
Më pas ka telefonuar policinë dhe i ka thënë: Hajdeni në shtëpinë time, po ua lë derën hapur. I kam vrarë të gjithë.
Autori i ngjarjes punonte si teknik kompjuterash, pasi disa vite më parë kishte fituar konkursin pas vendimit për t’u tërhequr nga terreni. Kolegët e përshkruajnë si një njeri të ekuilibruar dhe që nuk ka lënë kurrë vend për dyshime se mund të shkaktonte një tragjedi të tillë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
