Pedagogia e Ekonomikut, Ilirijana Kuçana, e mbështet protestën disaditore të të rinjve, që pasoi vrasjen e 25-vjeçarit Klodian Rasha. Në studion e emisonit “Stay Tunned”, Kuçana tha se kauza e të rinjve është e drejtë.
“Unë kam qenë në komisariate për t’iu gjendur pranë studentëve të mi. Kam qenë edhe unë në protestë dhe do të jem në krah të tyre. Por të shohësh arrestimin e Arjon Kuçukut, një student ekselent i mjekësisë, si mundet të rrijë ai në qeli? Ndihem e trishtuar nga biseda që pata me të atin. Ishte shumë e trishtë të shikoje babin e një djali të ekselencës me sytë me lot tregoi hallet dhe mungesën e shpresës që i ka krijuar kjo situatë djalit të tij. Arjoni vjen nga një familje e ndershme dhe punëtore. Mendoj që kauza e këtyre të rinjve është e drejtë dhe do të jem në mbështetje të tyre”, tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
