Një zënkë mes motër e vëlla, ka përfundur në një fund tragjik. Mediat greke shkruajnë se një djalë 12-vjeçar me origjinë shqiptare ka qëlluar me thikën e guzhinës motrën e tij 11-vjeçare. E mitura ka marrë tre plagë të shkaktuara nga thika në kofshë.
Ngjarja e rëndë ndodhi në Rodos, në një familje shqiptare, ku dy fëmijët jetonin vetëm me babanë e tyre. Nëntë vite më parë, nëna e fëmijëve shqiptarë ka ndërruar jetë si pasojë e një sëmundje të rëndë në tru.
Ndërkohë, babai i 12-vjeçari është shprehur gjatë dëshmisë së tij në polici, se nuk kishte vënë re më parë shenja agresive tek djali i tij. “Ai nuk ka treguar ndonjëherë shenja të tilla agresioni”, është shprehur babai i fëmijëve shqiptarë, protagonist të kësaj ngjarje të rëndë.
Ndërkohë, avokati i tyre është shprehur se kjo ngjarje ka ndodhur për një arsye qesharake. “Të dy të miturit, vëlla e motër u grindën se kush do ta priste sallatën në tryezën e familjes, duke pritur që babai i tyre të kthehej nga puna”, ka thënë avokati.
12-vjeçari, duke debatuar me motrën e tij se kush do të priste sallatën, mori thikën e kuzhinës dhe goditi të motrën duke i shkaktuar tre prerje të thella në kofshë. Vajza është në një gjendje shoku dhe shprehu dëshirën të lërë jo vetëm shtëpinë e saj, por edhe Greqinë dhe të kthehet në Shqipëri në shtëpinë e tezes së saj.
I shokuar ka mbetur edhe vëllai i saj, i cili u përpoq të justifikonte veten duke thënë se gjithçka ishte bërë për një shaka dhe se ai nuk kishte ndërmend ta dëmtonte atë. Me urdhër të prokurorit, sjellja e tij do të vlerësohet nga psikologët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
