Disa botues të gazetave amerikane i kanë kërkuar Apple kushte më të favorshme ekonomike në dyqanin e aplikacioneve, App Store.
Gazetat përfshirë New York Times, Wall Street Journal dhe Washington Post, të përfaqësuar nga Digital Content Next, i shkruan një letër drejtorit të përgjithshëm të Apple, Tim Cook duke kërkuar të njëjtin trajtim të marrë nga Amazon.
Apple mban 30% të të ardhurave të krijuara nga shumica e abonimeve të App Store, një përqindje që bie në 15% pas vitit të parë. Sidoqoftë, në fund të korrikut, marrëveshja e ngushtë midis Apple dhe Amazon u bë publike, duke i dhënë kompanisë Cupertino vetëm 15% të të ardhurave të klientëve të Amazon Prime Video të cilët regjistroheshin përmes aplikacionit iPhone.
Përqindja e mbajtur nga Apple nga botuesit, thuhet në letër, ndikon shumë në aftësinë për të vazhduar të investojë në lajme dhe argëtime me cilësi të lartë, të sigurt, veçanërisht në konkurrencë me kompani të tjera më të mëdha.
Gazetat bashkohen në listën e kompanive që kërkojnë nga Apple kushte më të mira. Javën e kaluar loja popullore Fortnite u hoq nga dyqanet e aplikacioneve Apple dhe Google sepse, përmes një azhurnimi, anashkaloi sistemet e pagesave të dy gjigandëve, duke shmangur mbajtjen e 30% të të ardhurave të krijuara nga blerjet e përdoruesve brenda aplikacionit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
