Në muajin janar, kompanitë e sigurimit bënë një kërkëse në bllok te autoriteti i Konkurrencës për administrimin e kartonit jeshil. Pasi shqyrtoi kërkesën, ky i fundit ka vendosur t’u lerë atyre dorë të lirë për të bërë administrimin e shitjes, me dy kushte themelore.
Edhe pse rregullorja i ndalon marrëveshjet mes kompanive, Autoriteti e ka trajtuar këtë rast si përjashtim, ndërsa dy kushtet që ka vendosur, shpallin se: “Marrëveshja përjashtohet nga ndalimi vetëm me respektimin e kushteve dhe detyrimeve të mëposhtme: Afati i përjashtimit të marrëveshjes të jetë për një periudhë 2 (dy) vjeçare, nga marrja e këtij vendimi, secila prej ndërmarrjeve të sigurimit, pjesë e marrëveshjes, duhet të tregtojë produktin e kartonit jeshil nëpërmjet agjentëve të saj në përputhje me dispozitat e Ligjit Nr. 52/2014 “Për veprimtarinë e sigurimit dhe risigurimit” dhe polica e sigurimit duhet të përmbajë logon e ndërmarrjes që e tregton dhe bar kodin përkatës, duke shmangur koordinimin e sjelljes lidhur me ndarjen e pjesëve të tregut dhe caktimit të çmimeve mes palëve njoftuese të marrëveshjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
