Sëmundja misterioze nga e cila prej kohësh flitet se vuan Vladimir Putinit thuhet se është kanceri i pankreasit dhe në ditët në vijim do t’i nënshtrohet një operacioni me urgjencë.
Një pretendim i tillë bëhet nga gazetari izraelit Mark Kotlyarsky, i cituar nga agjencia ukrainase e lajmeve UNIAN.
Operacioni, sipas burimeve të gazetarit, do të kryhet në Qendrën Kombëtare të Kërkimit të Kancerit “NN Blokhin” në Moskë, klinika më e mirë publike ruse e specializuar në trajtimin e sëmundjeve onkologjike.
Në një intervistë për kanalin “We Can Explain”, Kotlyarsky bëri të ditur se një nga bashkëbiseduesit e tij vjen nga rrethet mjekësore në Moskë, ndërsa një tjetër punon në administratën e Kremlinit. Sipas burimeve, një nga godinat e qendrës Blokhin po përgatitet dhe mbyllet për pacientët e tjerë, ndërsa Putini është në pritje të një ekzaminimi para operacionit.
Sipas informacioneve të siguruara nga Kotlyarsky, Presidenti rus vuan nga kanceri i pankreasit dhe jo nga kanceri i tiroides, siç është thënë më parë, një lloj tumori, i vështirë për t’u kuruar. Për gazetarin izraelit, Kremlini po punon për skenarin më të keq: nëse prognoza do të ishte e pafavorshme dhe operacioni nuk del me sukses.
Gazetari izraelit thotë se Rusia mund të drejtohej përkohësisht nga një organ kolektiv qeverisës, Këshilli i Shtetit, të cilit do ti transferoheshin detyrat e qeverisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
