Policia e kryeqytetit ka arrestuar një person, pasi i ofroi ryshfet punonjësit të policisë për të shmangur masën administrative për parakalim të gabuar.
Blutë e Tiranës kanë arrestuar në flagrancë shtetasin me inicialet D. S., 20 vjeç, banues Tiranë, pasi ka qënë në drejtim të automjetit tip “Smart”, kur është konstatuar nga shërbimet e policisë duke kryer parakalim të gabuar.
Kur këtij shtetasi i është komunikuar shkelja e konstatuar, ka tentuar ti japë 1000 lekë të reja punonjësit të Policisë, për ti’u shmangur masës administrative.
Materialet i’u kaluan Prokurorisë pranë Gjykatës së Rrethit Gjyqësor Kavajë, për veprën penale “Korrupsion aktiv ndaj personave që ushtrojnë funksione publike”, parashikuar nga Neni 244 i Kodit Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
