Gjykata e Posaçme Kundër Korrupsionit dhe Krimit të Organizuar ka caktuar masën e sigurisë “Arrest me burg” për drejtorin e Kadastrës në Berat, Ervin Nelaj. Nelaj u arrestua dy ditë me parë nga policia e Beratit, me urdhër të prokurorisë së Posaçme.
SPAK, në bashkëpunim me policinë e Beratit e ka hetuar për 9 muaj kreun e kadastrës. Sipas akuzës, janë siguruar prova se shtetasi Ervin Nelaj, në bashkëpunim me punonjës të tjerë në këtë institucion, kanë marrë në disa raste përfitime monetare të parregullta, me qëllim për të kryer veprime që lidhen me detyrën e tyre, për legalizimin e objekteve informale dhe regjistrimin e titujve të pronësisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
