Atika do të hyjë sot në një izolim të rreptë nga ora 06:00 e mëngjesit deri në 28 shkurt.
Rritja e rasteve dhe veçanërisht mbingarkesa e spitaleve, ka alarmuar qeverinë dhe shkencëtarët, duke ushtruar presion për vendosjen e masave më të ashpra për të frenuar përhapjen e mëtejshme të virusit nga frika e valës së tretë.
Masat e vendosura do të jenë:
-Përdorimi i maskës është i detyrueshëm.
-Ndalimi i qarkullimit në qytet do të jetë nga ora 21:00 deri në 5 të mëngjesit gjatë ditëve të javës, ndërsa gjatë fundjavave ndalimi do të jetë në fuqi nga ora 6 deri në 5 të mëngjesit.
-Lëvizjet ndërlokale do të lejohen vetëm për arsye serioze shëndetësore, me qëllim të transferimit një herë në vendin e qëndrimit të përhershëm, për të shkuar në një ceremoni nën kushtet e parashikuara nga ligji ose për të shkuar te prindërit e divorcuar, për transferimin një herë të një student.
-Kopshtet, shkollat fillore, gjithë, shkollat e mesme dhe liceet e arsimit të përgjithshëm dhe profesional do të bëjnë mësim online.
-Qëndrat e argëtimit dhe sportive do të jenë të mbyllura.
Masat në spitale:
-Një shoqërues për pacient
-Respektimi i një distancë minimale prej një metër gjysmë, përveç pjesës së kryerjes së operacioneve mjekësore
-Kufizimi i operacioneve të planifikuara deri në 80%
-Onkologjia, rastet e urgjencës, si dhe spitalet speciale përjashtohen nga kufizimet.
Që nga fillimi i pandemisë deri tani në Greqi janë regjistruar 167,549 persona me Covid, ndërsa 6,034 të tjerë kanë humbur jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
