Në Mal të Zi pritet të ketë qeveri teknike properëndimore të përkrahur nga Partia Demokratike e Socialistëve, partisë së presidentit Milo Gjukanoviç, tha për edicionin e lajmeve në MCN TV, gazetari nga Mali i Zi, Ismet Kallaba.
Sipas Kallabës, brenda javës së ardhshme priten lëvizje të reja politike.
“Pritet që presidenti Gjukanovic, të zhvillojë bisedime me forcat parlamentare dhe do të propozojë mandatarin e qeverisë, që me gjasë është Dritan Abazoviç. Brenda javës së ardhshme, do të kemi lëvizje të reja dhe pasqyrë më të qartë se çfarë do të ndodhë këtu. Do të jetë një qeveri e pakicës, dhe do të mbështetet nga Partia Demokratike e Socialistëve, e presidentit Milo Gjukanoviç.
Mendoj se lëvizjet politike nuk kanë ndodhur pa mbështetjen e bashkësisë ndërkombëtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
