Këtë të enjte, vendet e BE-së ranë dakord për anëtarësimin e plotë të Rumanisë dhe Bullgarisë në zonën e lëvizjes së lirë Shengen nga 1 janari.
“Heqja e kontrolleve në kufijtë tokësorë me këto dy vende është një moment historik”, tha ministri i Brendshëm hungarez Sandor Pinter, vendi i të cilit mban presidencën e radhës të Këshillit të BE-së.
Disa javë më parë Austria hoqi veton e saj sa i përket bashkimit të Bullgarisë dhe Rumanisë në zonën pa pasaporta, Shengen.
Anëtarësimi i Bullgarisë dhe Rumanisë zgjeron zonën Shengen në 28 shtete, duke përfshirë 24 anëtarë të BE-së.
Irlanda dhe Qiproja do të mbeten anëtaret e vetme të BE-së që nuk janë pjesë e zonës Shengen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
