Gazetari shqiptar nga Maqedonia e Veriut, Latif Mustafa, i ftuari i dytë në puntatën e sotme në emisionin “Arnautistan” në MCN TV, si një njohës i mirë i çështjeve shqiptare, duke analizuar figurën historike dhe veprimtarinë e ish-presidentit të Kosovës, Ibrahim Rugova, tha se zakonisht shqiptarët janë të prirur të mitin e një figure pas vdekjeve.
Mustafa, tha se krahas Rugovës, figurë me emblematike është ajo e Anton Çettës, një figurë kryesore e periudhës së pajtimit të gjaqeve në Kosovë.
“Rëndom te ne shqiptarët, pas vdekjes së një figure, ajo figurë fillon të shenjtërohet ngaqë e ka përpirë vdekjen, në një farë mënyre, ka kaluar në dimenzione metafizike dhe vetvetiu, ne krijojmë mitin e një figure, ngaqë shtetit të Kosovës, i duhet një figurë mitologjike moderne, postmoderne në këtë rast, një figurë e cila ka themeluar shtetin e Kosovës. Por unë mendoj se Anton Çetta ka qenë një figurë më e rëndësishme sesa Ibrahim Rugova, i cili bëri pajtimin e gjaqeve në Kosovë".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
