Ish-kryeministri Berisha e ka akuzuar për mashtrim gjatë negociatave kreun e maxhorancës, Rama. Berisha tha në protestën e çadrës se në takimin me Bashën, Rama nuk i është përmbajtur asaj që ka deklaruar tre ditë më parë në lidhje me gatishmërinë për t’i dhënë opozitës hapësirat e nevojshme për marrëveshje politike. Madje, Berisha e cilësoi si mëshirë për Ramën përpjekjen e opozitës për marrëveshje me të.
“Ne do të shembim ty. Laku në fyt po të ngushtohet. Tre ditë më parë deklaronte se unë do të bëj çfarë të thotë EPP-ja, kurse dje i thoshte Bashës as i njoh fare ato propozime. Edvin mos i rri larg zgjidhjes politike, se alternativë do të kesh zgjidhjen fatale. Zgjidhja politike është e vetmja zgjidhje mëshire për ty. Edhe mëshira ka një kufi, po u tejkalua ajo të pret fataliteti që e meriton në çdo formë”, tha ai.
Ndërkohë, ai u bëri thirrje qytetarëve të Kavajës të protestojnë dhe jo të votojnë.
“Data 7 maj është një ditë historike në analet e demokracisë shqiptare. Pas 27 vitesh, Kavaja sërish bëhet kryeqytet I demokracisë. Më 7 maj Kavaja firmos fitoren e saj, fitoren e mbarë shqiptarëve. Kavaja do ia përplasë në surrat farsën e drogës Noriegës së shqiptarëve, Edvin Krisatq Ramës. Thirrja ime për kavajasit është që ta shndërrojnë 7 majin me guximin dhe mencurinë e tyre në ditën e ngadhënjimit të revolucionit mbi farsën elektorale. Të refuzojnë këtë farsë me të cilën Edi Rama ka qëllim të konsolidojë narkorepublikën”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
