Presidenti i SHBA, Donald Trump, ka thënë se ai ka "të drejtën absolute" për të falur veten në hetimet për ndërhyrjen e supozuar ruse në zgjedhjet presidenciale në SHBA, duke insistuar se ai nuk ka bërë asgjë të gabuar.
Ai risolli në vëmendje argumentin që avokatët e tij ngriten në një memo drejtuar këshillit special amerikan para hetimit.
Në një mesazh në Twitter, shefi i Shtëpisë së Bardhë përsëri hodhi poshtë hetimet nëse fushata e tij zgjedhore pati mbështetje të Rusisë apo pengoi drejtësinë.
Studiuesit e kushtetutës janë të ndarë në atë nëse një president mund ta falë veten, ose jo.
Thirrja e Trump vjen një ditë pasi një nga avokatët e tij iu drejtua çështjes së vetëfaljes në emisionet e të dielave në SHBA.
Rudy Giuliani u shfaq në programin e kësaj jave të ABC dhe u pyet nëse Trump kishte fuqinë të falte veten.
Giuliani, kreu i ekipit ligjor të Trump, tha se ai "ndoshta ka", por shtoi se: "Ai nuk ka ndërmend të falë veten."
Ai vazhdoi: "Unë mendoj se pasojat politike të kësaj do të ishin të vështira. Falja e njerëzve të tjerë është një gjë, kurse falja e vetes është një gjë tjetër."
Duke folur në CNN të dielën, kreu i shumicës republikane në Dhomën e Përfaqësuesve, Kevin McCarthy, deklaroi se asnjë president nuk duhet të falë veten.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
