E përfshirë në luftën në Ukrainë, Rusia planifikon të rrisë shpenzimet ushtarake me 68% në vitin 2024 krahasuar me vitin aktual. Kështu shkruan buletini i inteligjencës ushtarake britanike, duke nënvizuar në raport se është 6% e PBB-së ruse.
Megjithatë, shpenzimet për shkollën dhe kujdesin shëndetësor janë ngrirë, që do të thotë një shkurtim de fakto, duke pasur parasysh inflacionin.
Inteligjenca ushtarake thekson se do të nevojiten më shumë burime ekonomike për të përballuar kostot mjekësore të “numrit në rritje të të plagosurve të luftës” dhe pagesat për familjet e të rënëve.
“Më shumë se gjysma e ushtarëve të plagosur aq rëndë sa që kërkonin trajtim të gjatë kanë humbur gjymtyrët, ku një në pesë prej tyre që humbasin gjymtyrët e sipërme”, tha më 17 tetor zëvendësministri i Punës Alexei Vovchenko.
Këta ushtarë të plagosur sigurisht që kanë nevojë për kujdes shëndetësor gjatë gjithë jetës së tyre.
Shpenzimet e rënda ushtarake me shumë gjasa do të kontribuojnë në presionet inflacioniste në Rusi dhe do ta detyrojnë Moskën të marrë vendime të vështira për mënyrën e financimit të luftës, ndoshta duke rritur presionet financiare ndaj sipërmarrësve rusë, shkruan inteligjenca ushtarake britanike.
Në të njëjtën kohë, çdo reduktim thelbësor në të ardhmen në shpenzimet ushtarake do të përfundonte duke hequr një shtytës qendror të ekonomisë ruse përballë sanksioneve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
