Bashkimi Evropian i ka bërë sot thirrje liderëve politikë në Maqedoni për të formuar sa më shpejt qeverinë, në mënyrë që t’i japin fund një krize të gjatë politike.
“Sa më shpejt të ketë një qeveri, aq më mirë. Nuk ka më kohë për të humbur”, deklaroi komisioneri evropian, Johannes Hahn, i ngarkuar për çështjet e zgjerimit, në një konferencë shtypi në Shkup ku është takuar me zyrtarë të ndryshëm të sferës politike.
“Hapi tjetër është formimi i një qeverie në mënyrën më të shpejtë të mundshme”, deklaroi Johannes Hahn, në vizitë në këtë shtet me shumicë sllave ortodokse ku minoriteti shqiptar përbën përafërsisht një të katërtën e popullsisë.
Partia në pushtet që nga viti 2006, VMRO-DPMNE (e djathta) u pozicionua me korrektësi absolute në krye të legjislativeve të 11 dhjetorit. Por me 51 vende, kjo parti zotëron një epërsi ndaj kundërshtarit të saj social-demokrat (SDSM, 49 vende) por me një numër të pamjaftueshëm për të qeverisur e vetme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
