Udhëheqësi palestinez Mahmoud Abbas ka kërkuar falje për akuzat që bëri për popullin hebre dhe Holokaustin.
Në një deklaratë të lëshuar nga zyra e tij të premten ai e përshkroi Holokaustin si "krimin më të urryer në histori".
Por më parë gjatë kësaj jave, Abbas tha në një takim në Bregun Perëndimor se vrasja masive naziste e hebrenjve evropianë ishte rezultat i aktiviteteve të tyre financiare, e jo antisemitizmit.
Komentet e tij u dënuan në Izrael dhe në mbarë botën.
"Nëse njerëzit u ofenduan nga deklarata ime ... veçanërisht njerëzit e besimit hebre, kërkoj falje për ta," shtoi deklarata e zotit Abbas.
"Unë do të doja të siguroja të gjithë se nuk ishte qëllimi im për ta bërë këtë dhe të përsëris respektin tim të plotë për besimin hebre, si dhe besimet e tjera monoteiste".
Ministri i Mbrojtjes i Izraelit, Avigdor Lieberman, kundërshtoi apologjinë e Abbas, duke e përshkruar liderin palestinez në Twitter si "një mohues i mjerë i holokaustit".
Por komentet e Abbas u dënuan gjerësisht.
Koordinatori i Posaçëm i OKB-së për Procesin e Paqes në Lindjen e Mesme, Nickolay Mladenov, tha se Abbas kishte zgjedhur "të përsëriste disa nga shpifjet më përbuzëse antisemitike".
Deklarata të tilla ishin të papranueshme dhe "thellësisht shqetësuese", shtoi ai.
Shefja për politikë të Jashtme në BE, Federica Mogherini tha se komentet ishin "të papranueshme" dhe do të punonin vetëm kundër procesit të paqes.
Nuk ishte hera e parë që lideri palestinez kishte shkelur pikëpamjet e tij mbi Holokaustin.
Abbas i bëri komentet të hënën gjatë drejtimit të Këshillit Kombëtar Palestinez, trupën legjislative të Organizatës për Çlirimin e Palestinës (PLO), në Ramallah, raporton BBC.
Ai tha se gjatë shekujve, hebrenjtë në Europën Lindore dhe Perëndimore ishin periodikisht të nënshtruar nga masakrat, duke arritur kulmin në Holokaustin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
