Ushtria ka dalë në terren edhe në kërkim të Arianit të vogël, një djali 6-vjeçar me autizëm, gjurmët e të cilit kanë humbur prej tre ditësh në Bremervoerde, në Saksoninë e Ulët gjermane.
450 ushtarë janë përfshirë në operacionet e kërkimit, përveç policëve, zjarrfikësve dhe Kryqit të Kuq.
Ariani i vogël u largua i vetëm nga shtëpia të hënën dhe të enjten policia raportoi se kishte gjetur gjurmët e tij përgjatë lumit.
Fëmija nuk flet dhe nuk i përgjigjet emrit të tij, por gjithashtu do të ishte i pandjeshëm ndaj të ftohtit, urisë dhe etjes dhe mund të jetë fshehur.
Gjithashtu për këtë arsye, me shpresën për ta gjetur ende gjallë, ekipet e kërkimit tentojnë të tërheqin vëmendjen e tij, duke përdorur balona me ngjyra dhe ëmbëlsira, të shpërndara në pika të ndryshme, madje edhe në pyll.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
