Diell, vranësira dhe reshje lokale, parashikimi i motit sot

Ditën e mërkurë, vendi ynë do të jetë nën ndikimin e kushteve atmosferike relativisht të qëndrueshme.

Gjatë orëve të paradites moti do të karakterizohet nga kthjellime dhe vranësira mesatare, të cilat herë pas here do të bëhen më të dendura, kryesisht në zonat malore të lindjes dhe juglindjes. 

Pasditja pritet të sjellë shpërbërjen graduale të vranësirave, duke favorizuar mot të kthjellët në pjesën më të madhe të territorit. Nga mesdita deri në orët e pasdites parashikohen reshje shiu me intensitet kryesisht të ulët në shumicën e vendit, me përjashtim të vijës bregdetare. 

Në zonat malore të lindjes dhe juglindjes reshjet pritet të marrin karakterin e shtrëngatave afatshkurtra, të shoqëruara me shkarkesa elektrike.

Pas orëve të pasdites reshjet do të ndërpriten në të gjithë territorin, ndërsa moti do të mbetet kryesisht i kthjellët. Era do të fryjë me drejtim verilindje–veriperëndim, me shpejtësi mesatare rreth 7 m/s.