Presidenti i Republikës, Sh.T.Z. Bajram Begaj do të mirëpresë në Tiranë, Presidentin e Azerbajxhanit, Sh.T.Z. Ilham Aliyev, i cili viziton për herë të parë Shqipërinë.
Kjo është një vizitë e rëndësishme për marrëdhëniet dypalëshe mes Shqipërisë dhe Azerbajxhanit. Presidenti Aliyev gjatë vizitën në Tiranë do të jetë i shoqëruar nga anëtarë të kabinetit qeveritar.
Kreu i Shtetit të Azerbajxhanit do të pritet në një ceremoni shtetërore në Pallatin e Brigadave nga presidenti Bajram Begaj, e cila pritet të fillojë rreth orës 10:30.
Pas ceremonisë, krerët e shteteve do të zhvillojnë një takim rreth 30 minuta në ambjentet e Pallatit të Brigadave. Në përfundim të takimit, rreth orës 11:20 Presidenti Begaj dhe Presidenti Aliyev do të mbajnë një deklaratë për mediat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
