Tenton vetëvrasjen në burg Fatos Gurakuqi. Ngjarja ka ndodhur rreth orës 4:30 të mëngjesit të sotëm. Gurakuqi është gjetur teksa kishte bërë çarçafin si litar dhe po tentonte të vetëvarej.
Gurakuqi ndodhet në mjediset e burgut 313. Ai është dënuar me 10 vjet burg nga Gjykata e Tiranës me akuzën e abuzimit seksual me vajzën e tij 15-vjeçare. Analizat e AND-së treguan se ai e kishte përdhunuar të bijën për 10 muaj me radhë në shtëpinë e tyre në Kodër-Kamëz.
Familja Gurakuqi u godit pak ditë më parë edhe nga një tragjedi tjetër. Djali 12-vjeçar i Gurakuqit humbi jetën aksidentalisht në liqenin e Kasharit.
Ngjarja tragjike ndodhi në Mzez, ku 12-vjecari F.Gurakuqi ishte duke luajtur së bashku me motrën e tij 15 vjeçe në liqenin pjesërisht të ngrirë. Akulli me një trashësi të vogël, është thyer dhe motër e vëlla kanë rënë brenda në ujë.
Fatkeqësisht 12-vjeçari është mbytur, ndërsa motra e tij ka mundur të shpëtojë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
