Grupi REvil ka shfaqur në “dark web” apo faqet e errëta të internetit, kërkesën për të zhbllokuar të gjithë sistemet e prekura, në këmbim të 70 milionë dollarëve në kripto monedha.
Hakerët e këtij grupi kanë goditur sistemet kompjuterike të qindra kompanive dhe agjencive publike në të gjithë botën.
Sulmi kibernetik ka depërtuar edhe në kompaninë e programeve kompjuterike “Kaseya” me qendër në Majami. Fred Voccola, Shef Ekzekutiv i kompanisë tha se sulmi ishte i sofistikuar.
“Autoritetet federale janë tejet të sigurta se pas këtyre sulemeve qëndron grupi REvil, i cili nuk është i lidhur me qeverinë ruse. Është një rrjet hakerësh që ka njerëz kudo në botë.”.
Ndërkohë edhe Presidenti Joe Biden e ka prekur këtë çështje, duke iu referuar takimit të tij me Presidentin Rus Vladimir Putin muajin e kaluar. Sipas tij SHBA-të do t’i kërkonin Rusisë të mbante përgjegjësitë, nëse rezulton se Kremlini ishte i lidhur me sulmin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
