Partizani barazoi 1-1 ndaj Bate Borisov, në sfidën e vlefshme për turin e parë në Champions League, e cila u transmetua në MCN TV. Në lidhje me këtë ndeshje, në emisionin “Skaner”, foli edhe trajneri Nevil Dede. Sipas tij, të kuqtë bënë diferencën ndaj kundërshtarit, ndërsa shtoi se gabimi i vetëm ishte te goli i pësuar. “Trajneri i ri, Qirko i ri, Mehmeti i ri edhe Sembene që nuk luante prej kohës. Të gjitha këto i japin të drejtë trajnerit. Në fillim u duk si 4-3-3, por Mehmeti ruante ekuilibrat dhe Murataj dyfishohej me Hadrojin. Fizikisht skuadrat nuk kishin asnjë diferencë. Ritmi në këmbët e lojtarëve të Partizanit, nuk është i duhuri, pasi është vetëm ndeshja e parë zyrtare. Partizani bënte diferencë me kundërshtarin. E rëndësishme është që Partizani, edhe në të parën edhe në të dytën, kishte territorin dhe ishin më agresivë. Nuk duhet ta pësonin atë gol. Gabimi i vetëm te Partizani ishte vetëm rasti i golit. Ndoshta edhe pak fillimi i lojës. Në përgjithësi Partizani jep optimizëm. Përqindja për kualifikim është 40 me 60 në favor të Partizanit.”, deklaroi Dede.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
