Policia amerikane njofton se njeriu i dyshuar për vrasjen e një të moshuari në një rrugë në Ohio, i cili më pas e postoi videon e vrasjes në Facebook, është gjetur i vdekur në makinën e vet.
Sipas raportimeve të mediave vendase, dyshohet se ai ka kryer vetëvrasje.
Policia Shtetërore e Pensilvanisë shkroi në Twitter se Steve Stephens u pa sot në mëngjes në Erie County.
“Pas një ndjekje të shkurtër, Stephens e vrau veten,” ka shkruar policia në rrejtin social "Twitter".
Stephens, 37-vjeçar, e vrau me armë Robert Godwinin, 74-vjeçar, teksa po ecte rrugës për në shtëpi nga dreka e Pashkëve të dielën në mëngjes në Cleveland.
Ngjarja ka ndodhur në Ohajo dhe i dyshuari tha në një tjetër video se kishte vrarë 13 persona dhe do të vriste edhe të tjerë.
Ai qëlloi për vdekje 74-vjeçari Robert Godwin pasditen e të dielës.
Mbrëmjen e së dielës policia e Klevelandit ka firmosur urdhërarrestin ndaj 37 vjeçarit si dhe ka postuar foton e autorit duke i bërë thirrje qytetarëve të bëjnë kujdes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
