Ish-kryeministri Sali Berisha i ka kërkuar sot dorëheqjen kreut të grupit parlamentar të PD-së, Enkelejd Alibeaj, gjatë mbledhjes së grupit parlamentar demokrat, mëson MCN TV. Berisha i ka thënë Alibeajt se ke dalë kundër partisë, duke apeluar pa asnjë tagër në gjykatë një proces që e kanë pranuar demokratët. Ndërkaq Alibeaj i është përgjigjur Berishës duke u shprehur se ish-kryeministri ka pushtuar selinë blu.
Pjesë nga debati:
Berisha: Rishiko pozicionin sepse ti punon kundër PD për interes të Bashës i cili kontrollohet nga Rama. Përbashkimi i PD ka patur vështirësi, por ekziston një vullnet i gjerë si në bazë, si te deputetëve, për të zhbërë një periudhë të shkurtër përçarje. Nuk erdhëm si pushtues, të dhashë dorën kur erdhëm. Pa asnjë tagër Alibeaj padit PD-në në gjykatë. Padit një proces që demokratët e kanë pranuar. Yuri Kim ka bërë presion në gjykatë.
Alibeaj: Kam shumë respekt për ju doktor. Por në cilësinë time duhet që ta apeloja vendimin e gjykatës. Unë nuk e kam bërë në titull personal ankimin. Vendimi i gjykatës mendoj se është i paligjshëm, kur të flasë Apeli do e pranoj i pari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
