Momentet e fundit të komedianit të TikTok para se të ekzekutohej, talebanët pranojnë vrasjen (Video)

Talibanët kanë pranuar se kanë vrarë një komedian të TikTok në Afganistan pasi një video e tij duke u goditur me shuplakë nga dy burra u bë virale.

Komediani Nazar Mohammad, i njohur gjithashtu si Khasha Zwan është marrë nga shtëpia e tij në provincën jugore të Kandahar dhe më vonë është ekzekutuar.

Zëdhënësi Zabihullah Mujahid konfirmoi se dy burrat që goditën Muhamedin ishin talebanë dhe se do t'i arrestonin dhe do të gjykoheshin për vrasje, sjkruan Business Insider.

Mohammad fitoi popullaritet në Afganistan për shkak të postimeve humoristike në TikTok.

Vrasja e tij vjen mes luftimeve në rritje në Afganistan nxitur nga tërheqja e forcave ushtarake amerikane nga vendi.

Që kur Joe Biden njoftoi planet për t'u tërhequr në prill, talebanët kanë marrë territorin në të gjithë Afganistanin dhe sipas raporteve ata kontrollojnë 55% të vendit.

#Kandahar: Video of martyred Nazar Mohammad, the famous Kandahari comedian, has been circulating on social media showing the moments when the Taliban took him away from his home and eventually martyred him. #Afghanistan pic.twitter.com/JSkWaAmnHB

— RTA World (@rtaworld) July 27, 2021