Babai i 20-vjeçares Caroline Crouch ka treguar momentin kur mësoi se dhëndrri i tij, Babis Anagnostopoulos i kishte vrarë të bijën. Për mediat britanike, i ati i të ndjerës, David Crouch ka treguar se zija për vajzën iu kthye në inat dhe revoltë pasi mori vesh se dhëndri i tij ishte marrë nga policia ndërsa ndodhej në varrin e Caroline.
“Kur e mora vesh më vonë, i vetmi peng që kisha ishte që nuk e dita sa isha aty”, thotë ai për The Sun. “Do t’ia kisha hedhur kokën në erë dhe do të isha i gatshëm t’i vuaja pasojat”.
David tha se ai dhe bashkëshortja e tij Susan mësuan për ngjarjen e rëndë nga fqinjët e tyre në ishullin grek, Alonissos. “Nuk do ta harroj kurrë sesi u ndjeva. Ishte sikur një dorë e akullt mu fut në kraharor dhe më nxori zemrën. Ishte dita me e keqe e jetës time”.
Ndërkohë, prindërit e Caroline kanë marrë tashmë edhe kujdestarinë e Lidias, vajzës së vogël që ka mbetur e vetme pasi nëna iu vra dhe babai ndodhet pas hekurave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
