Me rastin e Ditës Ndërkombëtare të të Drejtave të Fëmijëve, në shenjë kujtimi të përjetshëm të 1432 fëmijëvë martirë, të vrarë e të masakruar nga Serbia në Kosovë, në periudhën e viteve 1981 -1999, do të përurohet Billbordi (me pamje të Obeliskut) me dimensione 3 metra të gjerë e 4 metra të gjatë, i cili do të vendoset përballë Aeroportit Ndërkombëtar ‘Adem Jashari’ në Prishtinë.
Sipas organizatorëve, po në atë vend do të ngritet Kompleksi Memorial në formë OBELISKU, i gjatë 30 metra dhe i gjerë 20 metra, në një sipërfaqe prej një hektarësh, ku do të mbillen 1432 pemë të tipit “poni” japonez, dhe në secilën pemë do të jetë nga një emër i fëmiut të vrarë, data e lindjes dhe e vrasjes së tij.
Ky Kompleks Memorial, sipas dizajnuesit Prof.dr.Rrezeart Galica do ta ketë pamjen e nje mini- parku nacional, në të cilin do të mbillen lule të freskëta në të katër stinët e vitit. Do të ketë pushimore dhe vendparkim për veturat e vizitorëve, për ti kujtuar kësisoj fëmijët e pafajshëm të vrarë nga forcat shtetit serb në Kosovë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
