Një autobus me 48 shtetas serbë është aksidentuar në autostradën Trakia në Bullgari. Në autobusin e aksidentuar ndodheshin 38 fëmijë, 10 të rritur dhe shoferi.
Sipas Ministrisë bullgare të Shëndetësisë, nuk pati viktima, ndërsa 12 persona u plagosën, mes të cilëve 8 fëmijë dhe 4 të rritur.
Ministria njoftoi gjithashtu se nga aksidenti janë lënduar rëndë një fëmijë dhe një i rritur. Të gjithë pasagjerët e lënduar janë transportuar në spitalin e Stara Zagorës, që është më afër vendit të aksidentit.
Sipas mediave bullgare, pasagjerët kanë arritur të dalin nga automjeti i përmbysur përmes xhamave, të cilët u është dashur t’i thyjnë. Personi që ka mbetur i plagosur rëndë është shoferi i autobusit.
Sipas informacioneve jozyrtare, policia bullgare ka kryer testin e alkoolit te drejtuesi i mjetit, i cili nuk rezulton të ketë qenë i dehur. Fëmijët udhëtuan nga Nessebar. Ata janë pjesë e ansamblit folklorik JU-LIRA.
Në vendngjarje mbërritën dy autoambulanca, një zjarrfikës dhe disa mjete policie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
