Vihet në pranga grabitësi i karburanteve në kryeqytet. Policia ka arritur të identifikojë autorin e një seri vjedhjesh të kryera në disa karburante në Tiranë. Ai është Geraldo Guci, 21 vjeç, punonjës i Gardës së Republikës. Policia dyshon se gjatë muajit shtator, 21-vjeçari ka kryer disa grabitje të së njëjtës natyrë në Fushë-Krujë.
Ai është autor i grabitjes së të dielës në një karburant në rrugën “Isuf Elezi”, ku i mori punonjësit të këtij karburanti një “iPhone” dhe një sasi prej 8 mijë lekësh të reja.
Policia ka arritur të dokumentojë një sërë grabitjesh të tjera të kryera në zona të ndryshme të kryeqytetit, gjithmonë në karburante.
I veshur me bluzë spotive me ngjyra dhe me shall e kapuç në kokë, 21-vjeçari ishte kthyer në makthin e karburanteve të kryeqytetit. Nën kërcënimin e armës, ai kërkonte paratë e xhiros dhe sende të tjera me vlerë dhe largohej menjëherë pasi arrinte t’i merrte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
