Numri i personave të vrarë është rritur në 36 dhe 56 të tjerë janë të zhdukur, pasi rrëshqitjet e dheut shembën shtëpitë e tyre në qytetin e Venezuelës, Las Tejerías. Rreth 1000 personel emergjence po marrin pjesë në operacionet e kërkim-shpëtimit.
“Ne po përpiqemi të shpëtojmë këdo që mundemi dhe po shprehim ngushëllimet tona për të gjithë ata që kanë humbur një të dashur”, tha zëvendëspresidentja Delcy Rodríguez.
Presidenti Nicolás Maduro ka shpallur tre ditë zie kombëtare. Mes të vrarëve janë edhe dy fëmijë, thanë mediat lokale.
Raportet e mëparshme thanë se 25 persona ishin vrarë, por ministri i Brendshëm dhe i Drejtësisë Remigio Ceballos u tha gazetarëve se numri ishte rritur në 36.
Reshjet e rrëmbyeshme bënë që lumi El Pato të dalë nga brigjet e tij. Ujërat që rezultuan nga përmbytjet fshinë, pemë, makina, shtëpi dhe dyqane në qytet, rreth 50 km në jug-perëndim të kryeqytetit, Karakas.
Në muret e shtëpive, balta e dendur tregonte se sa lart ishin ngritur ujërat e përmbytjes.
Sipas agjencisë së lajmeve Efe, furnizimi me energji elektrike në qytet është ndërprerë, duke e lënë atë në errësirë.
Ministri i Brendshëm Remigio Ceballos tha se rrëshqitjet e dheut ishin shkaktuar nga uragani Julia, i cili kaloi në veri të Venezuelës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
