Gjykata e Shkallës së Parë të Juridiksionit të Përgjithshëm Fier ka vendosur sot lirimin nga burg me kusht të Fredi Belerit.
Kësisoj Beleri do të lërë qelinë afro një muaj e gjysmë para afatit të mbetur.
Tre seancat e mëparshme kanë dështuar për shkak të mungesës së dokumentacionit të nevojshëm.
Beleri u përfaqësua në seancë nga avokati Geni Gjyzari, ndërsa gjyqtari i çështjes ishte Alfred Konomi, i cili shqyrtoi provat dhe argumentet e paraqitura nga të dyja palët.
Prokurorja e çështjes ishte Oljana Gjergjefi, e cila përfaqësoi akuzën.
Kujtojmë që Beleri u dënua me dy vite burg për korrupsion zgjedhor, proces që është konsideruar si politik prej tij.
Ndonëse u zgjodh kryebashkiak i Himarës në zgjedhjet lokale, Beleri s'e mori kurrë mandatin, por u zgjodh eurodeputet në siglën e Demokracisë së Re.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
