Rusia humbet shpresën e fundit për të frikësuar botën me Ukrainën. Prandaj ligjëron mbi rrezikun e një Lufte të Tretë Botërore. Kjo do të thotë vetëm se Moska ndjen humbje në Ukrainë.
Prandaj, bota duhet të dyfishojë mbështetjen e saj për Ukrainën në mënyrë që ne të mbizotërojmë dhe të ruajmë sigurinë europiane dhe globale.
Është ky mesazhi i shkruar në Twitter nga ministri i Jashtëm ukrainas Dmytro Kuleba, duke iu përgjigjur fjalëve të homologut të tij rus, Sergei Lavrov.
Ministri rus Lavrov, i kishte kërkuar Perëndimit që të mos nënvlerësonte rreziqet e larta të një konflikti bërthamor mbi Ukrainën.
Po ashtu ai kishte thënë se e konsideronte NATO-n të përfshirë në thelb në një luftë me Rusinë përmes furnizimit me armë në Kiev.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
