Ylli i popit Britney Spears dhe bashkëshorti i saj Sam Asghari janë ndarë pas 14 muajsh martesë, raportojnë mediat amerikane.
Çifti u takuan për herë të parë në xhirimet e një videoklipi të Spears në vitin 2016 dhe u martuan në një ceremoni të vogël, në qershor 2022.
Asghari, 29 vjeç, mbështeti Spears, 41 vjeç, përmes trajtimit të shëndetit mendor.
Zërat për betejat e tyre martesore janë përhapur nëpër tabloidet amerikane kohëve të fundit.
TMZ publikoi fillimisht lajmin dhe një burim konfirmoi për agjencinë e lajmeve Associated Press se Asghari kishte paraqitur kërkesën për divorc.
Modeli dhe trajneri iraniano-amerikan u takua me Spears teksa ajo po xhironte videon për këngën e saj Slumber Party.
Ai luajti një rol kyç gjatë luftës së saj me babanë Jamie, duke veshur një T-shirt Free Britney në Instagram përpara një seance vendimtare gjyqësore.
Asghari i propozoi Spears në shtëpinë e tyre në shtator 2021.
Ndërsa ishin të fejuar, dyshja njoftuan se po prisnin fëmijën e tyre të parë së bashku, por më vonë thanë se ndodhi një abort.
Dasma e tyre, në shtëpinë e këngëtares në Thousand Oaks, Kaliforni, ishte tejet private dhe luksoze ku morën pjesë njerëz të famshëm si Paris Hilton, Madonna dhe Drew Barrymore.
Por të dy së fundmi u panë duke mos mbajtur unazat e martesës në publik.
Spears ka qenë e martuar më parë me mikun e fëmijërisë Jason Alexander për 55 orë në vitin 2004 dhe reperin Kevin Federline nga viti 2004 deri në 2007, me të cilin ka dy fëmijë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
