Amir-Saeid Iravani, ambasadori i Iranit në Organizatën e Kombeve të Bashkuara, tha të dielën se pasurimi bërthamor i Republikës Islamike nuk do të ndalet kurrë sepse lejohet për qëllime “energjie paqësore” sipas traktatit për mospërhapjen e armëve bërthamore.
“Pasurimi është e drejta jonë, një e drejtë e patjetërsueshme, dhe ne duam ta zbatojmë këtë të drejtë”, tha Iravani për CBS News, duke shtuar se Irani ishte gati për negociata, por dorëzimi pa kushte nuk është në diskutim.
Teherani është gati për negociata, por pas këtij agresioni, nuk është kusht i përshtatshëm për një raund të ri negociatash dhe nuk ka asnjë kërkesë për negociata dhe takim me presidentin.
I dërguari iranian në OKB mohoi të ketë ndonjë kërcënim nga qeveria e tij për sigurinë e Rafael Grossi-t, drejtorit të përgjithshëm të Agjencisë Ndërkombëtare të Energjisë Atomike, ose kundër inspektorëve të agjencisë, të cilët akuzohen nga disa zyrtarë iranianë se e ndihmojnë Izraelin të justifikojë sulmet e tij.
Inspektorët e IAEA-s janë aktualisht në Iran, por nuk kanë qasje në objektet bërthamore të Iranit.
I pyetur nëse do t’i dënonte thirrjet për arrestimin dhe ekzekutimin e kreut të IAEA-s, të cilat, sipas sekretarit të shtetit të SHBA-së, Marco Rubio, i kishte bërë një gazetë pranë udhëheqësit të Iranit, Iravani tha se do t’i dënonte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
