Një projekt i ri në Arabinë Saudite do të materializohet me ndërtimin e dy qiellgërvishtëseve që arrijnë vlerën 1 trilion dollarë. Mirror Line do të arrijnë lartësinë 150 kate dhe do të shtrihen paralel në 75 milje. Projekti mban firmën e princit saudit të kurorës Mohammed bin Salman, raporton Wall Street Journal. Ai do të strehojë afërsisht 5 milionë njerëz dhe do të përfshijë një tren me shpejtësi të lartë nën ndërtesa, për t'i lejuar njerëzit të lëvizin në të.
Pajisje të tjera përfshijnë një stadium sportiv në lartësi, port jahtesh dhe kopshte vertikale për të siguruar që banorët të kenë ushqim të mjaftueshëm. Banorët do të paguajnë një abonim për t'u shërbyer mëngjes, drekë dhe darkë.
Dy ndërtesat do të lidhen me njëra-tjetrën me vendkalime. Ato janë pjesë e një plani zhvillimi të quajtur Neom, të cilin Princi Mohammed parashikon të jetë afërsisht në të njëjtën madhësi si Massachusetts.
Planifikuesit nuk kanë shumë kohë për të skicuar strukturën. Zyrtarët sauditë kanë dhënë afat përfundimi deri në vitin 2030.
Princi Mohammed zbuloi fillimisht planet për këtë qytet linear janarin e kaluar, duke thënë se nuk do të kishte makina dhe zero ndotje. Ai e ka krahasuar Neomin me një version modern të piramidave egjiptiane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
