Përballë luftës që vazhdon në Ukrainë, Toyota ka njoftuar se do t’i japë fund përgjithmonë të prodhimit të automjeteve në fabrikën e saj në Shën Petersburg të Rusisë.
Kjo përfaqëson të gjithë linjën e prodhimit të automjeteve Toyota në Rusi, megjithëse kompania do të mbajë një prani në Moskë për të mbështetur operacionet e shitjes me pakicë.
Toyota pezulloi punën në objektin e saj në Shën Petersburg më 4 mars, pak më shumë se një javë pasi Rusia nisi ndërhyrjen ushtarake në Ukrainë. Sanksionet e vendosura ndaj Rusisë kanë shkaktuar ndërprerje të rënda në linjat e furnizimit, megjithëse Toyota e mbajti fabrikën gati për të rihapur për shtatë muajt e fundit, nëse kushtet ndryshonin.
Por tani kompania nuk sheh asnjë shenjë të rifillimit të punës, duke bërë kështu mbylljen përfundimtare. Punonjësit e prekur nga mbyllja do të marrin ndihmë nga kompania me qëllim ripunësimin dhe trajnimin në specialitete të reja, duke përfshirë mbështetjen e tyre financiare, e cila do të shkojë edhe përtej detyrimeve të përcaktuara me ligj.
Përfundimi i prodhimit në Rusi nuk do të thotë që Toyota do të largohet plotësisht nga vendi.
Me shumë automjete në rrugët e vendit dhe një rrjet të shitjes me pakicë në vend, prodhuesi i automjeteve do të ketë ende një prani në Moskë për t’i shërbyer klientëve ekzistues të Toyota dhe Lexus.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
