Vuçiç: Kosova, kushti kryesor për hyrjen e Serbisë në BE

Presidenti i Serbisë, Aleksandar Vuçiç, e sheh përcaktimin e kufijve si kushtin themelor për hyrjen e Serbisë në BE.

“Rruga në Bashkimin Evropian çon edhe përmes përcaktimit të qartë të kufijve tanë. Serbisë nuk do t’i lejohet hyrja në BE pa zgjidhje të qartë të çështjes së kufijve”, tha ai gjatë një deklarate për mediat serbe në lidhje me çështjet e integrimit.

 “Kur do ta zgjidhim, është çështje tjetër. A duam ta zgjidhim ose jo? Populli do të duhet të thotë në një referendum se çfarë mendon”, tha Vuçiç.

Vuçiç tha se ambasadori i ri i Francës në Beograd i ka thënë atë që është e njohur – se Serbia do të duhej të bëjë marrëveshje ligjërisht të detyrueshme me Kosovën, e cila parashikon zgjidhje të çështjes së kufirit.