Një shtetase armene është arrestuar dhe disa persona të tjerë janë proceduar penalisht në Durrës, në kuadër të fazës së 13-të të operacionit policor “Storm”, për goditjen e shfrytëzimit për prostitucion.
Sipas hetimeve, dy apartamente të marra me qira në zonën e Vollgës dhe në zonën e Plazhit përdoreshin për ushtrimin e prostitucionit.
Si organizatore e aktivitetit dyshohet një 52-vjeçare nga Armenia, e cila u arrestua në flagrancë.
Gjatë operacionit u procedua penalisht edhe një 22-vjeçare nga Peruja, si dhe tre shtetas shqiptarë nga qarku i Durrësit.
Gjatë ndërhyrjes, shtetaset e huaja refuzuan të hapnin dyert e apartamenteve, të cilat u hapën me ndihmën e shërbimit zjarrfikës.
Në cilësinë e provës materiale u sekuestruan pasaporta, shuma parash, karta telefoni dhe blloqe shënimesh.
Hetimet për rastin vijojnë nën drejtimin e Prokurorisë së Durrësit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
