Emrat e anëtarëve të rinj të Këshillit të Emërimeve në Drejtësi do të merren vesh të enjten, pas shortit që është parashikuar të hidhet në Kryesinë e Kuvendit në orën 10:00.
Hedhja e shortit do të zhvillohet në drejtimin e zëvendëskryetares së Kuvendit, Vasilika Hysi, në prani të përfaqësuesve të dërguar nga Gjykata Kushtetuese, Gjykata e Lartë, Prokuroria e Përgjithshme dhe Këshilli i Lartë i Drejtësisë si edhe përfaqësuesve të grupeve parlamentare, ambasdorëve dhe organizatave partnere ndërkombëtare.
Këshilli i Emërimeve në Drejtësi është institucioni i parë që u ngrit në kuadër të reformës në drejtësi. Por pas shortit të hedhur në janar, kur u përcaktuan anëtarët e tij, mandati njëvjeçar i këtij institucioni përfundoi pa zhvilluar asnjë detyrë. Kjo për faktin se nuk ka nisur ende vetingu, një proces që bën të mundur zgjedhjen në organet e drejtësisë duke kaluar më parë në skaner.
Këshilli i Emërimeve në Drejtësi bën vlerësimin dhe renditjen e kandidatëve për Inspektorin e Drejtësisë dhe kandidatëve për Gjykatën Kushtetuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
