Lavrov: E pamundur të çrrënjoset plotësisht Hamasi siç kërkon Netanyahu

<p>Kryeministri izraelit, Benjamin Netanyahu, i referohet çrrënjosjes totale të Hamasit si një parakusht kyç për një armëpushim në Gaza, por ky objektiv është jorealist, u tha gazetarëve ministri i Jashtëm rus, Sergey Lavrov, në fund të vizitës së tij në Malajzi.</p> <p>"Asnjë perspektivë për t'i dhënë fund kësaj gjakderdhjeje nuk mund të shihet ende. Izraeli, përmes kryeministrit Benjamin Netanyahu, tha në përgjigje të thirrjeve për një armëpushim se nuk do të ndalet derisa të eliminojë plotësisht Hamasin. Sipas mendimit tim dhe shumë kolegëve të mi që ndajnë këtë këndvështrim, është një detyrë joreale për të çrrënjosur organizatën që ekziston, e cila ka mjaft kapacitete dhe mbështetje të mjaftueshme, përfshirë edhe në botën myslimane”,<a href="https://tass.com/politics/1822287"> tha</a> ministri.</p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" typeof="foaf:Image" width="600"></a></p> <p>Lavrov vuri në dukje se disa vende po përpiqen të hartojnë propozime të reja kompromisi që bëjnë thirrje për t'i dhënë fund dhunës hap pas hapi, "duke pasur parasysh se Izraeli refuzon një armëpushim të menjëhershëm".</p> <p>"Disa vende arabe, Egjipti dhe Katari po punojnë me amerikanët, dhe ata gjithashtu mbajnë disa takime me izraelitët. Sipas mendimit tim, nuk është shumë mirë që palestinezët të përjashtohen nga takimet që synojnë të përcaktojnë përfundimisht të ardhmen e tyre. Në këtë drejtim, ne do të vazhdojmë të ndihmojmë në rivendosjen e unitetit palestinez”, tha ministri i jashtëm rus.</p>