Studimi: Shkrirja e akullit në Greenland do e rrisë me 25 cm nivelin e detit

Shkrirja e vazhdueshme e shtresës së akullit në Grenlande do e rrisë nivelin global të detit me më shumë se 25 cm dhe kjo do të ndodhë edhe nëse e gjithë bota do ndalojë së djeguri karburante sot .

Ky ishte përfundimi i studiuesve të Shërbimit Gjeologjik Kombëtar i Danimarkës dhe Grenlandës, botuar në revistën Nature change klim. 

Sipas gjeologëve  të cilët kanë përdorur një metodë të re krahasuese pritet një skenar më i keq, nëse nismat për të luftuar ngrohjen globale nuk kalojnë.

Shkencëtarët analizuan dy dekada matjesh për të parashikuar humbjen e akullit nga shtresa e akullit të Groenlandës për shkak të ngrohjes globale. 

Hulumtimi i ri  i cili nuk identifikon një interval kohor të saktë për ngjarjen rrit ndjeshëm nivelin e rritjes së detit të parashikuar nga shkencëtarët deri më tani. Studimi zgjeron sferën e pasojave të ngrohjes globale në klimë dhe nivelet e detit përtej perspektivave të një reduktimi të karburanteve fosile globale. 

Që nga vitet 1980, rajoni është ngrohur rreth 1.5 gradë në dekadë, katër herë më shpejt gjë që e bën edhe më të lehtë që temperaturat të kalojnë pragun e shkrirjes.

Studiuesit nga Shërbimi Gjeologjik i Danimarkës dhe Grenlandës kanë vëzhguar ndryshime në vëllimin e shtresës së akullit rreth kontinentit të ngrirë dhe argumentojnë se nxitësi kryesor i shkrirjes ishte rrjedhja e shtresës së akullit. Shkencëtarët kanë përcaktuar se rreth 3.3% e shtresës së akullit të Groenlandës, ekuivalente me 110 trilion ton akull  do të shkrihet në mënyrë të pashmangshme kur shtresa e akullit të reagojë ndaj ndryshimeve që kanë ndodhur tashmë.

Rritja e nivelit të detit nga ky akull i shkrirë do të ndodhë pavarësisht nga çdo rrugë klimatike e parashikueshme në të ardhmen në këtë shekull, kështu Jason Box , autori kryesor i studimit.

Edhe pse autorët nuk specifikuan një afat kohor, ata parashikojnë se ndryshimi i nivelit të detit mund të ndodhë nga tani deri në fund të shekullit.