Minat e telekomanduara që u kapën sot në Vlorë ishin planifikuar për një atentat, objektiv i të cilit do të ishte Ines Hajrulla. Ekzekutimi përmes një shpërthimi të telekomanduar mendohet se është skenari 2, pasi atij të vrasjes me armë me silenciator.
Arrestimi i dy të rinjve nga Burreli, xhaxha e nip, përkatësisht 33 dhe 19 vjeç, pasi u kapën me lëndën eksplozive në makinë pason arrestimin e 35-vjeçarit Amarildo Nikolli nga Shkodra, dy ditë më parë, po në Vlorë.
Të tre personat në fjalë i lidh një emër: Ines Hajrulla. Burimet bëjnë të ditur se në rast se tentativa për ta ekzekutuar me armë do të dështonte, Hajrullën e priste një shpërthim i telekomanduar.
30-vjeçari Ines Hajrulla është një emër i njohur për policinë. Atentati ndaj tij, i planifikuar me dy skenarë, do të ishte i treti në harkun e pak viteve. Ai u ka shpëtuar dy atentave, një në vitin 2017 dhe më pas një tjetër në 2019. Në vitin 2017, Hajrulla u bë pre e një atentati me tritol, ku mori dëmtime të rënda në të dyja këmbët. Më pas atij iu bë atentat me 10 maj të vitit 2019 në lagjen “Uji i Ftohtë” në Vlorë, ku Hajrulla u qëllua me armë zjarri nga një automjet në lëvizje, teksa ishte ulur në një lokal. Hajrulla dyshohet se është pjesë e grupit të Edison Harizajt, një prej të fortëve të Vlorës, i vrarë në Durrës.
Hajrulla është dënuar dy herë. Në shkurt 2018, Hajrulla u dënua me 2 vjet burg “Mosbindje ndaj urdhrit të punonjësit të Policisë së Rendit Publik” dhe “Mbajtje pa leje dhe prodhimi i armëve, armëve shpërthyese dhe i municionit”. Dënimi kishte lidhje pikërisht me armën që iu gjet gjatë atentatit me eksploziv, të ndodhur në nëntor të 2017, por ky dënim u pezullua duke e lënë të riun në shërbim prove.
Në fund të atij viti u dënua sërish me 8 muaj për “Largimi i të burgosurit nga vendi i qëndrimit”. Ines Hajrulla, i njohur në Vlorë si Ini i Çones, është marrë në hetim për zhdukjen e Elvis Troqes në Vlorë, në korrik 2017. Ai dyshohet se është përshirë dhe në ngjarje të tjera kriminale, të cilat janë ende të pazbardhura.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
