Presidenti Bujar Nishani dekreton katër ministrat e propozuar një javë më parë nga kryeministri Edi Rama.
Kreu i shtetit i ka dhënë kështu dritën jeshile emërimit të Fatmir Xhafajt në postin e ministrit të Brendshëm, Ogerta Manastriliut si ministre e Shëndetësisë, Eduart Shalsit si ministër i Pushtetit Vendor dhe Olta Xhaçkës si ministër i Mirëqenies Sociale dhe Rinisë.
Sot ishte afati i fundit kushtetues për dekretimin e ministrave.
Presidenti dekretoi dhe shkarkimin e Saimir Tahirit, nga posti i ministrit të Brendshëm, Ilir Beqajt nga posti i Ministrit të Shëndetësisë, Bledi Çuçin nga posti i Ministrit të Çështjeve Vendore.
Ditën e djeshme, Nishani shprehu rezervat e tij në lidhje me emërimin e Fatmir Xhafës si ministër i Brendshëm, por shtoi se Kushtetua nuk ia lejon presidentit ta refuzojë atë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
