Banorët e fshatit Lumas, nuk janë ndalur asnjë ditë në mbrojtje të burimit të Sinecit. Por duket se ditën e djeshme protesta e tyre ka gjeneruar në dhunë, ku policia duke u kërkuar banorëve të lirojnë rrugën që kishin bllokuar që prej orëve të para të mëngjesit, ka tërhequr zvarrë protestuesit si dhe ka dhunuar gra e burra.
Pamjet filmike të siguruara nga MCN tregojnë qartë dhunën policore që nuk është ndalur mbi këta banorë.
Gra e burra janë qëlluar, janë tërhequr zvarrë dhe janë dhunuar nga efektivët e policisë. Sipas banorëve-disa prej protestuesve janë lënduar dhe disa të tjerë janë shoqëruar forcërisht në Komisariat.
Banorët e fshatit Lumas protestojnë prej rreth 2-muajsh për burimin e ujit të Sinecit dhe prej disa javësh ata kanë bllokuar edhe rrugët e fshatit, për të penguar mjetet e firmës kontraktuese për ndërtimin e ujësjellësit.
Banorët janë në proces gjyqësor me bashkinë Kuçovë dhe kërkojnë që punimet të pezullohen deri në marrjen e një vendimi nga ana e gjykatës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
