Kryeministri Edi Rama, ka njoftuar se do ketë rritje të çmimit të energjisë për ato familje që konsumojnë më shumë.
Lidhur më këtë analisti Mustafa Nano, tha në edicionin e lajmeve në MCN TV, se më shumë se një dështim i Ramës, kjo sipas tij mund të interpretohet si një e vërtetë, meqë në rritjen e çmimeve nuk është faktori qeveritar.
Nano, u shpreh se qeveria Rama më shumë duhet të vëzhgojë pjesën spekulative të rritjes së çmimeve, dhe me këtë e ka bërë detyrën e saj.
Është një nga të paktat gjëra që thotë Rama, që jemi në një situatë jonormale lufte, çmimet nuk varen nga faktori Ramës. Roli i Ramës është se duhet të vëzhgojë lëvizjen e çmimeve dhe të shoh pjesën spekulative të rritjes së këtyre çmimeve. Nëse e ka bërë këtë, e ka bërë detyrën e vet, edhe sikur çmimet të shkojnë në stratosferë. Pra, kemi të bëjmë me një sistem në tërë Evropën, por nuk shoh shumë hapësirë ose manovra nga ana e qeverisë, jo vetëm shqiptare, por edhe në Evropë, në këtë moment ai nuk është se ka ndonjë rol të madh, do të improvizojë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
