Të paktën shtatë persona u plagosën kur një pjesë e një shkëmbi u shkëput në plazhin më popullor Navagio në ishullin grek të Zakynthos, thonë zyrtarët.
"Ne nuk kemi gjetur asnjë person të bllokuar, por ne do të vazhdojmë kërkimin", tha një zëdhënës i zjarrfikësve.
Asnjë nga të lënduarit e këtij incidenti që ndodhi pasditen e së enjtes nuk është në gjendje të rëndë për jetën.
Plazhi, është i njohur gjithashtu si "plazhi i anijes së mbytur", dhe është shumë i populluar nga turistët dhe mund të arrihet vetëm me anije atje.
"Kishte një zhurmë dhe një pjesë e vogël e shkëmbit ra, pastaj një e dyta më e madhe dhe më në fund një pjesë e tretë e madhe e shkëmbit që krijoi një vorbull të detit duke lëkundur anijet", tha një dëshmitar okular.
Autoritetet greke thanë se nuk kishin marrë njoftime për njerëz të zhdukur por ekipet e kërkim-shpëtimit po vazhdonin të kontrollonin nga ajri dhe deti pasdite vonë si një masë paraprake.
Ndër të plagosurit ishte një grua 34-vjeçare nga Republika Çeke, e cila pësoi thyerje të vertebrave, ndërsa bashkëshorti i saj dhe dy fëmijët u trajtuan për lëndime të lehta nga stafi i spitalit, sipas faqes greke të lajmeve Kathimerini.
Tre të tjerë u lënduan gjithashtu në këtë incident.
Videoja e postuar në mediat sociale tregoi se njerëzit po vraponin në panik, pasi një pjesë e madhe e shkëmbit u shkëput dhe u rrëzua afër disa pazhistëve.
Porti i Zakynthos, i cili njihet edhe si Zante në Evropën Perëndimore, është evakuuar si masë paraprake.
Kjo është një nga atraksionet kryesore të ishullit Jon, pjesërisht për shkak të anijes së mbytur në breg dhe gjithashtu për shkak të shkëmbinjve të saj të pjerrët përreth.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
