Policia ka arrestuar një 47-vjeçar në Lushnje, autor i një plagosje të ndodhur në shtator të vitit të kaluar, ku në aksin rrugor Kosovë e Vogël-Jeta e Re, Njësia Administrative Fiershegan, është plagosur me armë zjarri shtetasi M. A.
Në vijim të veprimeve u bë kapja dhe ndalimi i shtetasit të shpallur në kërkim Adriano Shabanaj, 47 vjeç, banues në Roskovec.
Gjatë momentit të kapjes, 47-vjeçarit i janë gjetur dhe sekuestruar 9 aparate celularë dhe një shumë prej 2000 euro.
Gjithashtu u bë shpallja në kërkim dhe po punohet për kapjen e shtetasit Iirfan Azizi, 31 vjeç, banues në fshatin Poshnjë, Berat (i dënuar më parë për veprën penale “Prodhim dhe mbajte pa leje e armëve dhe municionit luftarak”).
Gjykata e Shkallës së Parë Lushnjë, me vendimin e datës 11.06.2021, ka caktuar masat e sigurisë “Arrest me burg“, për veprat penale “Plagosje e rëndë me dashje” dhe “Mbajtje pa leje e armëve dhe municionit luftarak”, për shtetasin Adriano Shabanaj dhe për veprën penale “Moskallëzimi i krimit” për Irfan Azizi.
Nga hetimet e kryera ka rezultuar se shtetasi Adriano Shabani, në datë 13.09.2020, për motive të dobëta, në aksin rrugor Kosovë e Vogël-Jeta e Re, ka qëlluar me armë zjarri pistoletë, duke plagosur shtetasin M. A., 32 vjeç, banues në Tiranë.
Materialet i kaluan Prokurorisë pranë Gjykatës së Shkallës së Parë Lushnjë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
