Prej gati një ore me dhjetëra qytetarë janë mbledhur para Parlamentit, ndërkohë që në seancën plenare po diskutohet për projektbuxhetin e 2025.
Gazetari Mariglen Kume tha përmes një lidhjeje të drejtpërdrejtë me studion e MCN Informacion se qytetarë të ndryshëm, pensionistët dhe jo vetëm, i janë përgjigjur thirrjes së PD-së për të protestuar kundër shpërndarjes së buxhetit të propozuar nga PS-ja.
Një çështje që ka tërhequr vëmendjen e deputetëve të PD-së ka qenë ngjarja ku humbi jetën 14-vjeçarin duke e vendosur theksin tek mungesa e paketës së sigurisë në shkolla.
“Vij nga Elbasani, vij për punën e pensionit. Kam punuar 46 vjet në fabrikën e çimentos, sot vij për pensionin qesharak që na japin. Marr 260 mijë lekë”, tha një nga protestuesit.
“Protestoj për minimumin jetik. Çdo shtet tjetër i botës i ke. E ka greku, edhe maqedonasi. Pse të mos io kemi kur paguajë taksa më shumë se maqedonasi. Paguajmë korrentin me super çmim. Djathi ka shkuar 1 mijë lekë kilogrami. Mua më kanë lënë vetëm, kanë ikur fëmijët në Europë. Kanë ikur se nuk i doli hesapi këtu”, tha një tjetër protestues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
